正呀!观塘区极邪恶Tea time!

  2020-07-18 点击量: 576 点赞650

(Presented by Moreish & Malt)

我Dining娜作为国际级吃货,一日点止食3餐!一讲到食tea,就谂起炸髀薯条、西多……总知就係愈堕落愈快乐!前排听讲观塘Moreish & Malt出咗极邪恶tea set同挑战味蕾嘅Monster Shake,特登约埋班好姊妹抛开卡路里一个下昼,睇下佢有几正!

餐厅位于打工仔地头观塘商业区,之前都介绍过,就係surprisingly好鬼chill同好有feel嗰间,贴满晒怀旧poster,仲有个open bar,有成20款手工啤酒及cocktail拣,真係啱晒同friend饮番杯呀!

不过,我今日係嚟食tea嘅!睇下个menu,tea set都有好多选择,仲款款都係邪恶嘅Comfort Food添。有选择困难症嘅我,梗係嗌几款开心share啦~ 话口未完,今日嘅大佬就出现喇……

正呀!观塘区极邪恶Tea time!
邪恶朱古力Monster Shake

讲到邪恶,边个够Monster Shake嚟!Moreish & Malt有3款Monster Shake,由朱古力酱、朱古力碎及朱古力粉三重朱古力,加埋忌廉、云呢拿雪糕同牛奶打成,听落都知朱古力味爆灯!Toppings仲有homemade布朗尼芝士蛋糕(OH MY GOD)同朱古力条添!

正呀!观塘区极邪恶Tea time!
士多啤梨狂迷(后)、香蕉龙捲风(左)

另外仲有两款生果口味,士多啤梨狂迷就加咗新鲜士多啤梨打成,酸酸甜甜无咁heavy;香蕉龙捲风就绝对係蕉味浓,加埋焦糖爆谷喺顶,救命呀我停唔到口呀!Monster Shake原价要$88,但而家只係$58咋~出面一定搵唔到咁平呀!

正呀!观塘区极邪恶Tea time!
扒吞拿鱼芝士三文治

打完大佬,梗係要食下鹹嘢中和番!扒吞拿鱼芝士三文治大大块芝士铺喺脆卜卜嘅多士上面,吞拿鱼沙律馅用蛋黄酱调味,够晒重口味!当然少不免要有我嘅最爱—薯条!

正呀!观塘区极邪恶Tea time!
下午茶拼盘(两位用)

嗱,呢个set就够晒满足喇!一set有齐扒吞拿鱼芝士三文治、炸虾配wasabi蛋黄酱、薯条,仲加个dessert添,撑枱脚就啱晒!

正呀!观塘区极邪恶Tea time!
烧烤酱鸡胸汉堡

香烤鸡胸加上浓郁BBQ酱,锺意食美国菜嘅一定冧。

后记

唔好睇啲tea set咁丰富,其实全部都係$45起!加多$38仲有Monster Shake饮添~除咗邪恶comfort food之外,仲有好多好嘢食㗎~打住「小美国」旗号,佢哋嘅steak都唔讲得笑!想健康啲,都有salad同pasta拣~如果去开观塘区又想食下特别嘢,呢度真係唔错嘅选择~

正呀!观塘区极邪恶Tea time!

地址:观塘鸿图道48号新荣大厦地下B舖

电话:3580 7133

网址

 

相关推荐

精彩文章